വൈ.എം.എ.അരീക്കോട് ജേതാക്കൾ

മലപ്പുറം ജില്ല എഫ് ഡിവിഷൻ ഫുട്ബോളിൽ വൈ.എം.എ. അരീക്കോട് ജേതാക്കളായി. കോട്ടപ്പടി സ്റ്റേഡിയത്തിൽ നടന്ന ലീഗിൽ ആറ് കളിയിൽ അഞ്ച് ജയവും ഒരു സമനിലയും നേടിയാണ് അരീക്കോട് ജേതാക്കളായത്. ലീഗിൽ 11 ഗോളുകൾ സ്കോർ ചെയ്ത ടീം ഒരുഗോൾ മാത്രമാണ് വഴങ്ങിയത്. സ്ട്രൈക്കർ അഷ്കർ ടീമിനായി എട്ട് ഗോളുകൾ നേടി.

2018 കൊൽക്കത്ത സന്തോഷ് ട്രോഫിയിൽ കേരളം ജേതാക്കളാവുമ്പോൾ ടീം അംഗമായിരുന്ന ശരീഫിൻ്റെ (ചെറിയാപ്പു) നേതൃത്വത്തിൽ ഇറങ്ങിയ വൈ.എം.എ. അരീക്കോട് അടുത്ത സീസണിലെ ഇ ഡിവിഷനിലേക്ക് യോഗ്യത നേടി. രണ്ടാം സ്ഥാനക്കാരായ മങ്കട വള്ളുവനാട് എഫ്സിക്കും ഇ ഡിവിഷൻ യോഗ്യതയുണ്ട്.